„Архитектура на густината“ е фасцинантен проект на Michael Wolf, германски фотограф. Поминувајќи 20 години во Хонг Конг, Wolf создава серија фотографии кои сведочат за огромните градби. Фотографиите на кои не се гледа ниту небото ниту земјата оставаат впечаток како овие градби да се бесконечни, а сместени една до друга, без никаков знак на природа посакуваме овие фотографии да беа обработени со Photoshop. Но, за жал ова не е Photoshop, ова навистина постои и иако можеби како фотографии се прекрасни сепак доаѓаме до ситуација да се запрашаме: Дали сакаме да живееме во вакви градови и каков е квалитетот на животот во овие места?
