Karen Tarlton, сликарка од Калифорнија, со романтично срце и голема љубов кон сликањето. Во нејзините слики преовладува еден мотив; романтични сцени на двојки, кои пешачат меѓу дрворедите. Секој слика зрачи со енергија, полна со живост со огромна палета на бои, стилизирани на начин што преку секоја слика Tarlton, ни претставува слична, но сепак уникатна визија. Природа, дожд, романтика… може да се забележи на секоја слика. Силуети кои одат еден до друг, рамо до рамо, долж бесконечната патека на нивната љубов. „Љубовта е вечна, а патеката на љубовта се минува заедно“, вели Tarlton, која веќе 23 години е сопруга на воено лице и постојано патувала со него при вршењето на неговите мисии.
