“Two players, two sides. One is light, one is dark“… вака гласи познатата реченица на Џон Лок, од култната серија Lost, која се однесува на играта табла, една од најстарите игри за двајца во светот. Се претпоставува дека играта датира од пред околу 5.000 години и варијации од истата се играле во некогашна Персија, Древен Египет, Рим… а денес важи за една од најпопуларните друштвени игри во светот.
Веруваме дека секој љубител на играта табла поседува табла-сет и во секое време е расположен да изигра “една партија”. Доколку сте еден од нив, она што Ви го презентираме сега дефинитивно ќе ве усреќи. Погледнете го нашиот избор на неколку специјални маса за табла, нешто што секој страстен играч на оваа игра би сакал да го има во својот дом.
