ТОКИО – Пред една година, Јуми Ишикава се вратила дома од својата работа во компанија за погребни услуги, со болки и крвави стопала и веднаш ја објавила( tweeted) својата порака преку социјалните мрежи до светот.
„Сакам да се престане со оваа култура, жените да мораат на работа да носат високи или пониски потпетици“, напишала поранешната манекенка. „Зошто треба да работиме со повредени стапала додека мажите носат рамни чевли?“
Од тој твит, се роди движењето наречено #KuToo како движењето #MeToo, фразата асоцира на јапонскиот збор кутсу, што значи чевли и кутсу, што значи болка.
Тоа предизвика повратна реакција на социјалните медиуми од мажите и од жените, како и навреди и злоставувања на Ишикава, но исто така и петиција потпишана од скоро 32.000 лица која ја доведе во прашање јапонската култура во сообразност со општествените очекувања и длабоко вметнатата родова дискриминација.
Селектиран како еден од 10-те највпечатливи зборови во Јапонија во 2019 година, #KuToo можеби не го смени начинот на кој се бара од многу јапонски жени да се облекуваат на работа, но тоа им овозможи нов глас.
