Како се носат патики на работа, состанок и свадба!

Патиките, од удобни спортски обувки се претворија во моден детал, а сега и како основна работа за создавање на модерен стил.

Ги обожуваат и сакаат првите дами, познати убавици, модели, холивудски диви.

Погледнете преку овие неколку примери како да ги носите вашите омилени патики за секој настан – од канцеларија до свадба.

На работа
Ако вашата работа не бара посебен вид на облекување, патиките совршено ќе се вклопат во стајлингот без да ја нарушат деловната репутација. Подобро е да бидете внимателни и да го одберете вистинскиот модел. Дизајнерски патики, класични бели, совршено ги надополнуваат бизнис панталоните и елегантната блуза или костум. И што е најважно, целиот ден во канцеларијата на нозете, едноставно нема да биде тешко.

На свадба

Да одите на свадба со патики е храбар и свеж потег, и тоа е можно, дури и ако сте невеста. За да избегнете создавање на премногу агресивен контраст помеѓу спортските обувки и долгите вечерни фустани, изберете патики со иста боја. На пример, снежно бели не изгледаат грубо. Без разлика колку е луксузна облеката на вас, секогаш можете да изберете патики. Покрај тоа, на овој начин ќе ја добиете и титулата на најдобра танчерка на вечерта.

За забава
Ако неонските бои, популарни во минатата и оваа сезона, изгледаат премногу силни за вас, препуштете им се барем на сјајните патики. Комбинирајте ги со фармерки или миди здолништа и топови. Масивните патики или модели со оригинални отпечатоци ќе се вклопат во секој изглед и ќе станат главен додаток – кога станува збор за забава, но не и важен состанок со колегите.

За состанок, креирајте романтичен стил со удобни патики или носете патики со секси фустани.

Неделен ручек со пријателите – комотно и откачено.