Со задоволство ви го претставуваме најновото музичко видео на Владимир Четкар за неговата авторска композиција ‘Joyride’. Видео записот е дело на Борче Димовски и е сниман на неколку локации во Охрид.
Инструменталната тема ‘Joyride’ ќе биде дел од третиот по ред студиски албум на Владимир Четкар кој во Март ќе биде издаден од страна на P-Vine една од најпознатите Јапонски и светски музички куќи.
‘Joyride’ е снимана вo њујоршките студија The Bunker Studio и Cowboy Technical Services а мастерингот е работан во Лондон во Carvery Mastering.
Она што е интересно и е вистински раритет е што песната ‘Come With Me’ со која беше најавен новиот албум на Четкар е секојдневно во етерот на многу радио станици во Јапонија како FM Cocolo, Inter FM, ZIP FM, K-Mix, FM – N1, Momo Radio и многу други.
Овој Март албумот кој се вика ‘GOING HOME’ ќе биде издаден со високотиражна дистрибуција насекаде во Јапонија.
