Добра чанта може да ја истакне, но исто така и да ја упропати целата модна комбинација, во зависност од моделот, дезенот и обликот.
Hobo чантата, која во слободен превод значи “торба за скитници”, едно време ја избегнуваа, иако истовремено беше голем моден хит.
Новина е дека сега повторно станува популарна и се очекува да биде нејзин голем comeback оваа година.
Тоа се чанти кои имаат ремен во средината и немаат цврста подлога, па изгледаат како вреќи кои висат.
Hobo торбата е забавна и пред сè практична.
Во своите колекции за претстојната сезона, овие чанти ги вклучија сите светски модни куќи како Диор, Марни, Пако Рабан, Прада, Гучи и многу други.
