Ако за нешто сме среќни, тогаш тоа е поради враќањето на мокасините на модниот трон.
Практични, удобни, елегантни, мокасините се класика за сите времиња. Ги носеа Одри Хепберн, Џеки Кенеди, Коко Шанел, Грејс Кели и многу други дами со стил.
Тие можат да бидат дел од вашиот стил во сите сезони од пролет до доцна есен. Можете да ги носите дури и во зима до дебели чорапи.
Ако сакате едноставност, тогаш одберете ги тие кои немаат никакви детали. Ако сакате малку екстраваганција, тогаш одберете ги оние кои имаат интересни шноли со штрас или интересни отпечатоци.
Тие совршено се комбинираат со фармерки, класични панталони, долги или мини здолништа, па дури и со фустан. Мокасините повеќе не се резервирани само за љубителите на Tod’s и Ralph Lauren. Тие се секаде околу нас.
Еве како ги гледаат светските брендови: Stuart Weitzman, Givenchy, Sergio Rossi, Gucci, Bally, Tod’s, Roger Vivier и Christopher Kane.
