Декориран со црно-бели линии на розеви ѕидови, ресторанот Pink Zebra, односно Feast India Co. во Канпур, Индија, го привлекува вниманието од далечина, благодарение на студиото Renes Architecture Design Interiors.
Идејата за дизајнирање на овој простор настанала како омаж на надреалните сетови од филмовите на Wes Anderson, кој ги обожуваат клиентите. Штрафтите одат во сите правци, заедно со розовите отвори на таванот, кои ја пропуштаат сосема доволно природна светлина, истовремено создавајќи драматичен ефект.
Инаку, ресторанот “Pink Zebra” се наоѓа на врвот на една од најстарите згради во овој град, поврзувајќи го старото и новото на многу разигран и интересен начин.
