Комбинезон – најпрактичното парче за есен 2017!

Класика
Класиката е секогаш во тренд и докажува дека дури и возрасните жени носат комбинезони и тоа на одличен начин. Комбинацијата на едноставна бела кошула со контрастни комбинезони во боја е секогаш добра идеја. Таквиот изглед е погоден за деловен состанок или за излегување со друштво.

Секојдневен…
Едноставните комбинезони, како оние што ги носеа работниците на градилиштата во 1930 година, може да се комбинираат со маици и блузи. Во првиот случај, стилот ќе стане “смарт кежуал”, а во вториот случај ќе биде еклектичен.

Тексас
Нема потреба да се зборува за комбинезони од тексас материјал. Се чини дека ова парче никогаш нема да излезе од мода. Но, во претстојната сезона, препорачуваме да го комбинирате со кошули, маици и џемпери од фини ткаенини.

Бохо шик!
Еко кожа и необични кроеви – тоа е она што го обожаваат сите љубители на бохо стилот. Додадете му на комбинезонот романтична блуза со вез и без сомнение ќе привлечете внимание со вашиот изглед.

Моторџиски стил

За есенската сезона, дизајнерите предлагаат кожа од глава до пети. Овој изглед ќе го постигнете најлесно со модерен моторџиски комбинезон. Ако се плашите дека ќе изгледате вулгарно, одберете модел кој е доволно затворен, со ракави или англиска јака.

Запомнете дека кожните комбинезони не бараат многу додатоци и украси, но секогаш можете да го “омекнате” вашиот опасен изглед, со накит од убав скап метал.