Тренди декорации за детски соби!

Подготовките за доаѓањето на новороденчето, само по себе е голема и возбудлива авантура.

Месеците на исчекување, понекогаш може да ви предизвикаат анксиозност, па затоа најдобриот совет за родителите е да се вклучат во авантурата на украсувањето на идната соба на бебето.

Сконцентрирајте се на она што е најважно да набавите за идниот ваш принц или принцеза, креирајте соба во која ќе ужива. Значи, како што се грижите за ентериерот на секоја соба во домот, многу е важно да ја испланирате декорацијата, одберете боја и тема за собата на вашето дете. Со малку креативност и инспирација од преложените фотографии, веруваме дека ќе креирате фантастично детско царство.

Комбинирајте декорација со трендовски бои за детски соби, како и со паметна организација. Постојат безброј опции за кои можете да се одлучите, а ние ви нудиме да изберете помеѓу модерните индустриски дизајнирани соби, соби во скандинавски стил, или традиционално дизајнирани детски соби.

Ако сте поддржувач на класиката или на викторијанскиот стил, и за тоа постои предлог. Важно е само средината во која вашето бебе ќе го поминува поголемиот дел од времето, да нуди спокојна, мирна атмосфера во која вашето бебе, постојано ќе ви се насмевнува.

Кога станува збор за женско бебе, розовата е боја која што секогаш води, но можете да ја оплемените со некои цветни дезени, во форма на постелнина или тапацирани подлоги за пресоблекубање на бебето. Момчињата, некако најдобаро се чувствуаат во сината боја, но за да се избегне монотонијата, се препорачува собата да се декорира во navy(морнарски) фазон.