Велгденот е врзан со пролетта. Нека вашиот дом буквално – процвета!

Постојат сто начини како да го украсите својот ентериер по повод претстојниот празник Велигден. Време да се посветите на истражувањето како просторот во кој живеете да го украсите, така да дише со елеганција и празнична атмосфера.

Велигден е најрадосниот христијански празник, па затоа декорот на вашиот стан или дом, треба да биде весел и пролетен. Сем тоа, самиот чин на украсување на вашиот дом, може да биде идеална прилика да ги вклучите децата кои ќе дадат свој печат на овој празник…

Шарени јајца, зајачиња, гнезда од трева или сено, гранки со цвеќе, мов, разнобојни бонбони и чоколади во разни облици, се само некои од стандардните украси кои го симболизитаат Велигден и секогаш се добредојдени како декорација. Шарено или едноставно, силна или пастелна боја, традиционално или ултра модерно, децентно или минималистички – за Велигден нема дизајнерски правила. На вас е да одберете што најмногу ви се допаѓа и тоа што најдобро се вклопува во стилот на вашиот енериер.

Велгденот е врзан со пролетта. Нека вашиот дом буквално – процвета. Цвеќе кое најмногу асоцира на Велигден се лалето, јогованот, нарцисите и зумбулите.

Нека вашиот дом дише во празничната атмосфера во која ќе уживаат домашните но и вашите гости!