Во близина на Омиш, Хрватска, со спектакуларен поглед на морската шир, сместена е “Villa Lastavica”, модерна резиденција создадена за одмор. Станува збор за куќа која го отсликува поднебјето на кое се наоѓа, но на поинаков, модерен начин. Овој нетипичен далматински проект го потпишуваат група хрватски архитекти меѓу кои и Анте Никша Билиќ, Сунчица Ивиќ, Хрвоје Калоѓера и Студиото Анте Муралес.
Вилата е сместена на карпа, со прекрасна вегетација и поглед кон Јадранското море. Во ентериерот преовладува индустриска елеганција со интересни геометриски форми во просторот, направени од дрво, како и пастелни детали и дизајнерски парчиња мебел. Сето ова дава едно севкупно чувство на мир и спокој за секој кој престојува во вилата.
