Доколку сте вљубеници во убавината на уличната уметност, тогаш мајсторските дела на El niño de las pinturas ќе ве воодушеват и остават без здив. Станува збор за уличен артист од Гранада кој е уметник во вистинската смисла на зборот, со неверојатна способност да ги спои графитите со самата подлога на која креира, се’ со цел истите да станат една убава целина. Гледајќи ги неговите уметнички дела кои оживуваат низ градските улици, а од кои повеќето се гигантски ремек-дела со порака, ќе посакате сите згради, куќи, ѕидови и површини во светот да ги ,,наслика” токму тој. Во продолжение, погледнете дел од неговите изработки, секоја со посебна убавина и карактеристична тема, но еднакво достојна за почит како и сите останати од колекцијата.
