Leandro Erlich е аргентински уметник и архитект кој секогаш ги „брише“ границите меѓу реалноста и илузијата, создавајќи неверојатни тридимензионални визуелни инсталации. Неговиот најнов проект е наречен “Dalston House” и е инспириран од викторијанските куќи од 19иот век кои пред бомбардирањето во Втората Светска војна биле во источен Лондон, на местото каде што моментално е поставена инсталацијата. Тоа е всушност фасада на куќа во природна големина поставена наземи, со големо огледало на агол од 45 степени. Со седење, стоење или лежење на „фасадата“, луѓето делуваат ко да висат од куќата, пркосејќи и на гравитацијата и секое чувство на просторна реалност.
