Иако светлите бои се ако не најголем, тогаш еден од најголемите трендови оваа сезона, постојат трендови за сите времиња, кои не можеме да ги игнорираме.
Традиционално темните нијанси припаѓаат на сезоната есен/зима, бидејќи убаво се вклопуваат со оваа студена сезона. Оваа година топлата нијанса на чоколадо, која асоцира на гушкање со топла шоља од омилениот пијалок, е прва во преференциите на модерните девојки, кои не ја пропуштаат можноста да ја вклучат во своите стајлинзи.
Од капути до панталони и чизми – чоколадната нијанса е една од нашите омилени бои. Всушност, тотално кафен изглед, во исти или различни тонови, ќе ги „украде“ и привлече сите погледи.
Доколку се уште не сте набавиле парчиња облека и аксесоари во нијанса на чоколадо, погледнете што ни подготвија модните куќи и модните инфлуенсерки.
Откријте неколку интересни парчиња кои ќе ви помогнат да ја вклучите оваа класика на сите времиња!
