Брачниот пар Бекам ги поминува овие денови во Париз, каде дојдоа да го поддржат нивниот пријател Ким Џоунс, креативниот директор на машката линија „Диор“.
Ден по настапот, папараците го фотографираа парот на излез од хотелот. Дејвид Бекам беше облечен како и обично, практично и мангупски, а неговата сопруга Викторија на свој начин потсети дека пролетта е на еден чекор од нас.
Г-ѓа Бекам избра широки зелени кадифени панталони што го надополнија сивиот капут со интересна текстура. Таа го финишираше стајлингот со мека жолта ролка и се определи за модни додатоци кои се спротивставуваат на класиката – Хермес, лакираната торба Биркин, ефикасно го надополни овој навидум секојдневен изглед.
