Колекцијата Atelier Versace за есен-зима 2018 е со беспрекорен гламур по кој е препознатлива оваа италијанската модна куќа.
Ѕвездата на колекцијата, инспирирана од Кралската палата во Санкт Петербург е рускиот модел Наташа Поли. Атрактивната русокоса позираше пред бујното зеленило облечена во фустани од високата мода.
Орнаменталните украси ги покриваат фустаните украсени со луксузни пердуви, кристален вез и со богата брокатна свила и реси. Високите шлицеви, транспарентните ткаенини и интересни изрези ја даваат потребната еротика и привлечност на овие прекрасни фустани.
