Музејот на модерната уметност (МоМА) во Њујорк е домаќин на изложбата Архитектурата во Југославија 1948-1980, што е и прва изложба во САД во чест на посебната архитектура од поранешната социјалистичка држава.
Повеќе од 400 -тини цртежи, макети, фотографии, филмски претставувања од музејски и семејни архиви, се претставени на меѓунарадната публика за прв пат. Претставени се дела од повеќето водечки југословенски архитекти и уметници кои што го истражувале урбанизмот, технолошкиот експеримент, неговата примена во секојдневниот живот и монументи и меморијални споменици.
Архитектурата која се појави во овој период е манифестација на “радикален плурализам, хибридност и идеализам”, што ја карактеризираа самата југословенска држава за време на нејзиното 45 – годишно постоење.
Оваа изложба која што е отворена на 15 јули 2018 година, ќе трае до 13 јануари 2019 година и со својата содржина предизвикува огромен интерес.
