Стариот начин за поттикнување на растот на косата, со намирница која сите ја имаме во својата кујна е оризот, кој е широко распространет во Јапонија, но во последниве години и низ целиот свет.
Постојат многу трикови за убавина и за стимулирање на растот на косата со состојки кои обично се користат за готвење, а некои народи, од дамнина го користат циметот, куркумата и други намирници.
Јапонките, според нивната древна метода, го користат оризот за да го стимулираат растот на косата.
Оризот се вари, а водата во која се варел оризот се чува на страна.
По миењето на косата со шампон, масирајте го скалпот на главата со водата од оризот, а потоа нанесете ја и на остатокот од косата. Оставете ја оризовата вода да отстои неколку минути, а потоа исплакнете ја косата со обична вода.
Резултатот ќе ве воодушеви, бидејќи косата уште по првиот пат ќе биде сјајна и помека, а по некое време ќе забележите дека расте многу побрзо.
Повторете ја постапката секогаш кога ќе готвите ориз, бидејќи оваа техника не може да и штети на косата.
