Плетените парчиња се апсолутен хит и погодни за секоја зима. Во студените и тмурни зимски денови, најлесно е да се загрееме со топли џемпери и интересни парчиња, кои изгледаат одлично во речиси сите комбинации.
Од оние во неутрални бои па се до модели во интензивни бои, како фуксија, ова трикотажно плетиво мора да го имате барем во една варијанта, а моделот што ќе го изберете ќе зависи само од вас и остатокот во вашиот плакар, со кој ќе го комбинирате новото топло парче.
Бидејќи целата сезона е обележана со монистри, бисери и извезени цвеќиња, па така и зимските парчиња се освежени со истите мотиви. Никогаш не било полесно да се разведрат тмурните зимски денови.
