Како делува ѓумбирот?
Ѓумбирот е повеќегодишно растение кое може да расте на висина до 1 метар, а има корен што расте хоризонтално во должина од 20 см, кој е со бела и кафена боја, влакнесто ви внатрешност. Коренот на ѓумбир содржи етерични масла, чиј состав зависи од потеклото на растенијата. Главните производители на ѓумбир се Кина и Индија.
Во азиската култура, коренот на ѓумбир се користи главно како зачин. Но ѓумбирот е многу повеќе од тоа. Ѓумбирот ја намалува непријатноста на гадење и повраќање при патување, утринската мачнина во текот на бременоста и помага за подобро варење на храната.
За подобро функционирање на дигестивниот тракт и полесен желудник, потребно е да се внесе повеќе ѓумбир од количината што ја внесуваме со храната. Истражувањата покажаа дека за целосен ефект потребната доза е еквивалентна на 1000mg ѓумбир во прав.
Ѓумбирот има непроценлив придонес за намалување на чувството на непријатност што го следи гадењето и повраќањето. Неговата употреба е безбедна. Ефикасноста на ѓумбир ја покажаа бројни студии, во кои биле вклучени деца и возрасни.
