Волшебниот имот “Neverland”на Мајкл Џексон се продава!

“Neverland” имотот на на Мајкл Џексон се продава. Своевремено беше проценет на 100 милиони долари, а сега оваа куќа и комплетниот ранч, може да се купи за 67 милиони долари. Се наоѓа на површина од околу 1000 хектари, а Мајкл Џексон своевремено платил 19.5 милиони долари за овој ранч, полн со дабови дрвја кој го именувал  “Nevereland”, по истоименото острово од приказната за Петар Пан. Набрзо го преуредил со зоолошка градина и забавен парк, кои сега веќе ги нема на имотот.

По неговата смрт, агенцијата за недвижнини “Colony Capital” се грижеше за ранчот кој се наоѓа 240 километри северно од Лос Ангелес. Овој луксузен имот е изграден во француско-нормандиски стил, има главна куќа која се протега на 4000 м2 и е дело на славниот архитект Robert Altevers.

Малку е да се каже дека главната куќа е преубава. Ако на неа ги додадеме уредените градини, двете езера со лебедите и водопадите, признаваме дека се работи за куќа од соништата.

Дали вие би сакале да живеете таму? Изгледа како некој луксузен забавен парк за големи деца.