Посветено на вистинските љубители на музиката…
На 12 октомври во кафе „Излет“ ќе се случи втората голема промоција на книгата „Музика и муабети“ во издание на издавачката куќа „Полица“. Оваа книга е колекција на музички интервјуа од новинарот Ненад Георгиевски, кои се собирани во период од 15 години. Книгата се состои од 40 интервјуа и исто толку фотографии. Предговорот е напишан од Влатко Стефановски, а од соговорниците ќе прочитате „муабети“ со голем број соговорници: од David Sylvian, Pat Metheny, Џијан Емин и Кирил Џајковски, па сè до Peter Hook (Joy Division/New Order), Paul Hartnol (Orbital), Rob Garza (Thievery Corporation), David Byrne, Brad Mehldau и многу други.
На промоцијата ќе настапи новиот џез-состав (октет) предводен од Џијан Емин (OHTO).
По првата промоција која се случи вчера, 03.10.2016 година во Кинотека на Македонија – Ненад и тимот на Полица Ве очекува во „Излет“.
