На модниот бренд Burberry Prorsum, секоја година со своите колекции му успева да не инпресионира. Инспирацијата на новата колекција е британското цвеќе и инсектите (птици и пчели), рафал на смели и јасни бои, нови текстури и уметнички принтови кои заедно и даваат почит на природата.
Cristopher Bailey, како и секогаш, ја претстави најубавата игра на класичните мантили, но отиде понатаму и ја преплави пистата со едноставни шампањ фустани. И додека сите очекуваа да ја видат Кејт Мос и Кара Делавињ како ја затвораат ревијата, супермоделите седеа во првиот ред, уживајќи во прекрасната музика и модната ревија за која уште долго ќе се зборува.
Новата колекција за пролет и лето 2015 година, одекна на пистата со целиот свој сјај и легендарниот британски шик стил. Тоа беше микс на бои, текстури, стилови и расположенија, традиционално со современо, тексас модели во комбинација со елегантни и женствени фустани, направени од лесни материјали во мирни бои.
На нозете манекенките носеа комотни патики во бела боја со шарени ѓонови. Здолништата со софистициран молив крој и фустани под колената со набори. Тексас јакните се украсени со детали, палетата на боите е во пастелни нијанси, розе и светло жолта комбинирани со бела боја.
Набраниот тул, најде место околку струкот на моделот. Потоа е спектар на уметнички штампаните шик мантили. Тие се комбинирани со шарени патики, а некои се во комбинација со рамни сандали во силни бои.
Мантилите се во црно бела боја, во блок бои, со различни текстури, комбинација на антилоп и со лакирана кожа.Интерсен е мантилот од тексас со џепови од лакирана кожа и прекрасен колан тул.
Суптилните омбре ефекти, ги дефинираа фустаните и здолништата со високи шлицови кои изгледаат летно. Многу плисе и тул. Иако во колекцијата немаше вечерни фустани, но затоа имаше многу провидни фустани кои пленат со својата убавина и шарм.
Следната е палета на бои, се нијанси на малина, боровница, јагода кои се користени на плисираниот тул.
