Зимската сезона 23/24 беше во знакот на разоткриениот градник. Иако времето сè уште не беше погодно за навистина да го носиме овој тренд, сега кога летото конечно дојде, можеме да ја ставиме нашата долна облека во центарот на вниманието.
Само овој месец, нашите омилени модни икони се забележани со нивните градници во преден план, како дел од дневната облека: со кошула и панталони, како Елса Хоск, или дури носени и само како самостоен горен дел. Џиџи Хадид го носеше својот градник во комбинација со тексас шорцеви и бејзбол капа.
Овој тренд е порелаксирана верзија на она што го видовме непосредно пред почетокот на летото. Холивудските A-listers го поддржаа овој тренд на црвениот тепих претходно оваа година, па дури и на Канскиот филмски фестивал – познат по тоа што има еден од најстрогите кодекси на облекување на календарот – го поздрави изгледот кај голем број на ѕвездите.
Сега трендот се пресели од модните писти и црвените теписи во нашите летни гардероби. Наместо да се комбинира долната облека со сако, новата верзија на трендот вклучува присутни наметки или главно чисти кошули. Сега, кога нè зафати топлотен бран, имаме општествено прифатлив начин да го носиме минимум, барем за оние од нас кои се осмелуваат тоа да го покажат.
