Овогодинешна добитничка на наградата Ладислав Баришиќ од областа на ликовната критика која ја доделува ‘Здружението на ликовни критичари АИКА Македонија’ во комисијата составена од Владимир, Јанчевски, Елена Вељановска и Тихомир Топузовски едногласно одлучи да се додели на проектот „Женското учество во современата македонска ликовна/визуелна уметничка сцена по 1991 година“ на Нада Пешева, за актуелноста и акутноста на истражувачката проблематика, соопшти здружението.
Фото-кредит: Наде Пешева (приватна архива)
“Во соопштението се вели дека прашањето за видливоста на жените авторки и ре-испитување на позицијата на жената во светската уметничка сцена, е дел од новите политики и тенденци и во современата светска ликовна критика и теорија, а прашањето за учеството на жената како авторка во совремната ликовна сцена е предмет на интерес и кај нас особено во периодот по 90′ години од минатиот век”.
_____
Во фокусот на истражувањето е поголем број на учество женски авторки-уметници во современата уметничка сцена, со посебен осврт на квалитетот и квантитетот на културните политки во стимулирање на учеството на жените во современата ликовната/визуелната уметност во Македонија во периодот на 1990-тите години, но и степенот на инклузивност на родови теми во рецентната уметничката продукција.Во истражувањето ќе бидат опфатени референтни изложби и кураторски проекти кои поттикнуваат и промовираат еднаква презентација на жени авторки реализирани преку програмските активности на националните установи и независната културна сцена, како и вклучување на дела од женски авторки во колекциите на установите, во објавените публикации и слично“, се вели во информацијата за медиумите.
Нада Пешева (1976, Скопје) дипломирала на катедрата на Историја на уметноста со археологија на Филозофскиот факултет во Скопје (2000). Магистрирала на тема “Културна политика и менаџмент“ на Универзитетот на уметности во Белград, Србија (2013). Во моментот е докторант на катедрата за Културолошки студии на Институт за македонска литература, УКИМ. Во потесен интерес на нејзината работа влегуваат ликовната теорија и критика, културниот менаџмент и политика, културниот туризам, културните индустрии и родовите прашања во културата. Учествувала на повеќе локални и меѓународни конференции, дебати и симпозиуми во земјата и странство и објавувала трудови во повеќе научни списанија и публикации. Во моменов е вработена во Агенција за промоција и подршка на туризмот. Член е на Здружението на ликовни критичари „АИКА Македонија“, а била и член на Управниот одбор на здружението.
📸 Фото: Наде Пешева
