Луксузната модна куќа Dolce & Gabbana претстави нова кампања каде ги открива новите дизајни на легендарната чанта Devotion.
Легендарната актерка Шерон Стоун и супермоделите Адам Сен и Сем Веб, фотографирани во Венеција од модниот фотограф Мајкл Милер, се појавуваат во кампањата Devotion Bag за пролет/лето 2022 година.
Меѓу монументалните плоштади, сончевите, живописни канали и историските кафулиња, актерката и стилска икона поминува безгрижни моменти во друштво на моделите, уживајќи во италијанската пролет, посебен период во кој се спојуваат уметноста, природата и убавината.
Кампањата ја дизајнираше Paris Libi, а актерската екипа беше облечена во најубавите парчиња облека на италијанската модна куќа, со фокус на новата чанта. Оваа пролет, легендарната чанта Devotion доби гламурозен нов дизајн, женствени детали, препознатлива елеганција и шарм на Dolce & Gabbana.
