Малкумина се осмелуваат да стапнат во рингот со легендарниот Мајк Тајсон, сепак, најновиот креативен директор на брендот Роберто Кавали, Фаусто Пуглиси го стори тоа.
За својата прва колекција на машка облека откако беше именуван во октомври 2020 година, сицилијанскиот дизајнер го ангажираше познатиот боксер Мајк Тајсон за својата дебитантска кампања.
„Шансата да го имам во кампањата за мојата прва колекција на машка облека за Кавали ме воодушеви, не само затоа што тој е икона и некој на кого секогаш му се восхитував за неговиот стил, но исто така мислам дека работата со него поттикнува здрава полемика и разговор.”
Колекцијата на машка облека пролет-лето 2022 година ја обележува визијата на Пуглиси за разновидното, смело и култното семејство Кавали.
Пуглиси впечатливо се свртува кон класичната естетика на Роберт Кавали, земајќи инспирација од кралот на поп -уметноста, Енди Ворхол.
Боксерските завои добиваат модерна надградба обвиткана околу телото, чизми, гладијаторски сандали, палта и макси еластичните ремени алудираат на моменти во боксерскиот ринг.
Колекцијата може да се пофали и со животински отпечатоци.
„Мајк Тајсон е една од последните живи поп-икони, и покрај тоа што е шампион во бокс, тој е и модерен човек, со многу личен и ексцентричен вкус“, додава Пуглиси, “но повеќе од неприкосновен шампион во бокс и американска икона, неговата лична приказна е исто така приказна за опстанок, борба и издржливост “.
