Розовата е голем тренд и оваа сезона во сите свои нијанси.
Оваа женствена нијанса, која може да премине од нежна во смела, дефинитивно ќе не воведе во среќно расположение.
Денес ќе стилизираме розова кошула на сосема необичен начин. Може да ја носите со розови панталони или здолниште, но доколку не сте расположени за розов изглед од глава до пети, имаме други свежи идеи за модерен стил.
Розовиот топ можете да го комбинирате со магента или светло сино здолниште, или да го носите со широки панталони.
Доколку се одлучите за топ во живописна розова боја, можете да го стилизирате со принт здолниште кое содржи некои розови нијанси или можете да го задржите класичниот и шик изглед комбинирајќи розова кошула со неутрални бои како црната, како кај Кејт Мидлтон и Џенифер Лопез.
За денешниот изглед, се одлучивме за лежерен летен изглед кој комбинира женствени вибрации со розов топ и фармерки. Што се однесува до модните додатоци, испробавме комбинација на бои со додавање на жолти чевли, сина чанта, а потоа малку го омекнавме изгледот со класични црни очила за сонце.
