Неверојатен дел од Мароко во пустината на Калифорнија, наречен Casbah Cove, ќе ве воодушеви со своите декадентни карактеристики и неверојатно внимание посветено на деталите …
Ако можете да се замислите како сопственик на ваков неверојатен имот, тогаш сигурно можете да замислите како да уживате со семејството и пријателите во ложата со наргиле, да ги гледате најновите филмови во вашето приватно кино на отворено, да се релаксирате во мароканскиот спа центар во амамот или пливање во прекрасен базен со црн гранит.
Вилата Casbah Cove се наоѓа на еден рид во престижниот голф-клуб Бигорн во пустината Палма во Калифорнија, недалеку од Палм Спрингс. Со поглед на долината Коачела и планините Санта Роса, вилата со површина од 1.600 квадратни метри е изградена во текот на четири години.
Нејзините последни детали, како што е украсот во лифтот со седеф или поставувањето на ексклузивни мозаични плочки, вклучуваа и ангажирање тим занаетчии кои доаѓале директно од мароканскиот град Фез и работеле со месеци.
И покрај речиси 1.300 квадратни метри ентериер, вилата доаѓа со само четири соби – мастер апартманот има високи тавани и традиционални мурски ложи со деликатни детали од гипс.
Во главната бања има специјална самостојна када потпишана од шпанскиот дизајнер Хаиме Хајон и додека се релаксирате во топла бања, можете да уживате во прекрасниот поглед на дворот.
Вилата се продава за 16,1 милиони долари.
