Најавувајќи дека ќе ја претстави својата колекција пролет / лето 2021 година дигитално, познатата марка Бaрбери сега понуди прв поглед на сезонската пред-колекција. Со вкупно дваесет комбинации на облека, Рикардо Тиши ги истражуваше архивите на познатиот моден бренд и наследството на основачот, Томас Барбери.
Парчиња, како познатите мантили и јакни се акцентирани во новиот каталог за кој позираа пријатели и вработени во самиот бренд, пред нивните домови во Англија.
Дизајните на роза инспирирани од античките англиски градини се вткаени низ секоја креација. Главните парчиња вклучуваат плетени здолништа и фустан со корсет, како и Pocket Bag торба, која доаѓа во целосно нова варијанта.
„Сакав да се сетам на познатите – работи кои ни даваат утеха и сила. Се свртев кон она што првично ме инспирираше во кодовите на Барбери, како што се шаховската табла, ленти и амблемите на еднорог, но им дадов нова перспектива, вклучувајќи елементи на софистицираност и уличен стил. Јас сум горд на оваа колекција, која не само што ги рефлектира и слави уникатните кодови што го сочинуваат овој моден бренд, туку и различните таленти што ја претставуваат нашата заедница, давајќи малку од својата магија на светот на Барбери “, објаснува познатиот дизајнер.
Целата колекција можете да ја видите во нашата галерија.
