Почетна Култура Прво издание на фестивалот „Крај Вардарот џез“

Прво издание на фестивалот „Крај Вардарот џез“

——————————————————————————————————————————-

Во центарот на културните случувања овој месец несомнено вниманието ќе биде фокусирано на првото издание на Џез Фестивалот “КРАЈ ВАРДАРОТ ЏЕЗ”. Во организација на дискографската куќа *ПМГЏЕЗ*, љубителите на квалитетна музика во паркот позади МКЦ ќе можат да уживаат во изведбата на повеќето наши џез изведувачи.

Мирко Попов,(извршен продуцент на ПМГ РЕКОРДИНГС), визионер, еден од клучните фигури на македонската алтернативна сцена кој повеќе од две децении со своите култулорошки заложби ја промовира квалитетната музика во нашата земја. Му благодариме на Мирко за отстапениот материјал кој во целост ви го прикажуваме подолу во текстот.

——————————————————————————————————————————

„Kraj Vardarot Jazz“
е НОВ ФЕСТИВАЛ и културолошка заложба на дискографската куќа
PMGJAZZ од Скопје. Наш основен интерес е пронаоѓање, создавање, снимање, издавање и промоција на квалитетна македонска џез, етно, crossover музика. Нешто, што ова наше тло раѓа во изобилство. Ако погледнете на страната каде што ги промовираме / продаваме нашите изданија [ pmgjazz.bandcamp.com ]
ќе забележите автентична, вибрантна, разновидна и неверојатно квалитетна македонска џез музика. Повеќето од тие автори ќе настапат на првото издание на фестивалот

KRAJ VARDAROT JAZZ.
Ова е нашиот завет за сегашноста и иднината на македонската реална култура. Со тоа се занимаваме. Приклучете ни се.

ПРОГРАМА:

Ден 1: Четврток, 23 јули 2020, врати 18:30, програмата започнува во 19:45. Влезот е симболични 100 денари.
https://bileti.mkc.mk/index.php?id=684

-Filip Bukršliev
-Sethstat
-Zulu 3.4
-Kanton6Trio

Ден 2: Петок, 24 јули 2020, врати 18:30, програмата започнува во 20:00. Влезот е симболични 100 денари.
https://bileti.mkc.mk/index.php?id=685

-Svetlost + Odron Ritual Orchestra
-Cobalt Code Unit
-Yordan Kostov Quintet

Програмата ќе се одвива во паркот позади МКЦ-Скопје, по сите протоколи предвидени за организација на настани од овој тип, во актуелната ситуација. Задолжително носење маси, столчињата ќе бидат поставени на 2 метри растојание. Ве молиме да се држите до сите норми на однесување – да покажеме пример, како културните настани можат да се одвиваат беазбедно и во овие услови. Благодариме.

ВНИМАНИЕ: Бројот на посетители е ограничен на 300 седишта.

KRAJ VARDAROT JAZZ се реализира со поддршка на Министерство за култура на Република Северна Македонија.