Детали покриени со златни листови и рефлективни панели се главните карактеристики на „Арт Деко“ стилот во овој париски ресторан, кој британскиот дизајнер Џон Велан го наполни со детали инспирирани од седумдесеттите…
Ресторанот се наоѓа во хотелот „Нолински“ со пет sвездички, во првиот арондисман во Париз, на многу кратко растојание од Лувр и Жарден де Тулери. Претходно, ресторанот беше украсен со мешавина од сина и сива површина, како и спуштен таван, кој според дизајнерот зрачеше ладни емоции.
Фокусна точка на ресторанот сега е централниот столб, кој е украсен со ленти од сјајни огледала. Горниот дел од столбот се карактеризира со детали од гипс покриени со златни лисја, кои се издигаат кон таванот, создавајќи мотив на сончевите зраци.
Рефлективните панели исто така ги красат sидовите на главниот трпезариски простор, кои инаку се украсени со тонови во златна боја за да создадат ефект на патина.
На централниот дел на таванот му беше даден украс во форма на лустер со три нивоа, кој е дело на шпанската фирма Фортуни.
Фреската во јапонски стил, отсликува меки облаци околу планинските врвови.
Тонската палета на бои на овој ресторан и одредени делови од мебел се омаж за седумдесеттите години, што според мислењето на Вилан, совршено се вклопува во естетиката на „Арт Деко“ стилот.
