Данскиот фотограф Микел Јул Хвилшој кој живее во Копенхаген, добил многу интересна задача од страна на креативната директорка на компанијата Liquidminds, Олга Бастиан. Задачате е да осмисли маркетинг идеја, како елегантно, луксузно и интригантно да промовира производ за компанијата Ева Соло, која произведува апарати за во кујната.
Идејата, која подоцна се разви во серија на фотографии беше, да се создаде наједноставен можен начин на готвење без користење на зборови и со ексклузивна презентација на храна. Идејата се реализираше многу успешно, како и промоцијата на тенџериња и тави која донесе исклучителни резултати.
Елегантниот и едноставен приказ на едноставните оброци е многу интересен и како идеја би можел наскоро да се трансформира во печатена публикација. За нас, кои сме со повеќе практичен дух, ова ќе биде идеален начин да се научиме на едноставно готвење.
