Неколку дезени кои постојано се во мода

Трендовите доваѓаат и си заминуваат, но тоа што е добро секогаш останува. Постојано се во мода црната боја,кожните мото јакни или лакираните шпиц салонки, но исто така постојат и легендарните дезени кои секогаш можете да ги носите и секогаш подеднакво да бидете шик.

Било да се работи за леопард, зебра, жирафа или тигар, секогаш ќе купиме некое парче. Постојат сезони кога се носат повеќе или помалку, но никогаш нема да згрешите ако да ги облечете.

Батик егзотични примероци, сега поретко рачно се работат, туку се индустриски принтирани, но секогаш изгледаат подеднакво летно, лежерно и бохо.

 

Брендот Либерти, познат е по ситните цветови во повеќе бои, а ќе се согласиме дека цветните дезени не само што се популарни секоја пролет, туку можат да се носат во секоја сезона, само во други нијанси.

 

Карото е еден од големите трендови во последниве неколку сезони, но младата популација пред тоа го игнорираше како нешто досадно. Сега веќе е популарен за сите генерации и секоја прилика. Треба само да се прилагодите на кројот и материјалот.

Различните големини на точки зборуваат за различни карактеристики на личноста. Малите точки најмногу се поврзуваат со зрелоста и елеганцијата, додека големите нападни точки се поврзуваат со младоста. Ги обожуваме на модните додатоци а не само на облеката.

Линиите се многу слични на цветните примероци. Се носат преку цела година, и можат да бидат озбилни и разиграни, но најмногу се носат во лето. Дезените со линии се за едно скалило посериозни од точките и можат да се носат и за  деловни прилики и состаноци.