Колку и да сте љубител на силните и моќни парфеми, толку сме сигурни дека и понекогаш посакувате нешто нежно и дискретно, а токму такви парфеми се идеални за лето. Од минатата година до сега, излегоа многу парфеми на кои би им дале предзнак -летни, па дознајте нешто повеќе за најдобрите парфеми.
Ние ќе ви предложиме некои од нив со нивните цветни ноти, а останатите ќе оставиме на вас, самите да ги откриете. Ако се решите за Eros од Versace, парфемот има нота на лимун, јасмин и сандаловина, за жени кои мирисаат на Медитеран, помалку дрско и заводливо. Mod Noir од Marc Jacobs, мириса на најубавите хавајски гарденија и мошус. Том Форд, Флер де Портофино, мириса како цветна ливада до океан, нотите се-цитрус, гарденија, акценти на мед и друго. Choo Blossom од Jimmy Choo, мириса на слатко, бугарска ружа, црни бобинки и друго. Delicate на Stella Mccartney, замислете сосема бела, светла соба со бели ружи-нотите се мандарина, фрезија, бугарска ружа и друго. Extraordinary на Oscar De La Renta е елегантен со нота на вишнов цвет, нероли, магнолија и друго.
Изборот е ваш!
