Kинеската нова година или попозната како лунарна нова година, традиционално се слави на првиот ден на првиот лунарен месец, на почетокот на годината по кинескиот календар. Славењето завршува по 15 денови кога е фестивалот на светилките, кога во воздух се пуштаат црвените светилки од хартија. Прославите се врзани со многу митови и легенди. Семејтвото се собира, се купуваат подароци, декорации, облека и традиционална храна. На прозорите и вратите се ставаат црвени декорации од црвена хартија со теми за среќа, здравје и благослов. Фамилијата традиционално е на масата со јадења од свинско месо, патки, пилешко, разни делиции и овошје а најмногу портокали. Пред спиење, се пукаат петарди, а следното утро децата на подарок добиваат пари свиткани во црвени хартии. Се забораваат кавгите и секому искрено му се посакува мир и среќа. Популарни се игрите со змееви и лавови. А ние ви предлагаме да видите како изгледа трпезата ,богата со преубава храна за дочекот на Кинеската нова година. Kung hei fat choy !
