„Помалку е повеќе“ како непишано правило за на плажа или секоја друга локација каде што ќе изберете да носите костим за капење. Независно дали сте на море, езеро, базен или едноставно сте одлучиле да поработите на тенот – повеќе од јасно е дека минимум стилот важи без оглед на трендовите. Кога сме веќе кај трендот за лето 2014 година, тогаш едноделниот костим за капење се враќа на голема врата. Модерната верзија на ова парче датира уште од 80тите години на минатиот век, кога фитнес-индустријата го акцентираше спортскиот изглед, флексибилноста и функционалноста на овој костим за капење. Истовремено, ретро-секси изгледот на 50тите и 60тите години полека се аплицира во стиловите секое лето, така што дизајнерите експериментираат со деталите, принтовите и воопшто целосниот изглед на ова парче.
