“Life is Beautiful” (,,Животот е убав”) е краток анимиран филм во холандска продукција за ,малиот’ човек во ,големото’ општество- необичен спој на 3Д анимација, музика и приказна. Режисерот Ben Brand оваа метафора ја прикажува буквално. На Антон му е смачено од тоа да биде најнизок од сите, а со тоа и незабележлив за другите. Сите знаеме колку е тешко секојдневно да те гази светот и колку тоа може да биде очајно. Па така, Антон, бесен на животот, решава да си ги скрати маките. Но, дали животот е готов со него или му спрема нешто поголемо?
