Во секој град, особено во големите метрополи постојат луѓе без покрив над главата, луѓе кои немаат ниту скромно место кое би го нарекле дом. Организацијата Depaul UK во соработка со Publicis London организира повеќе кампањи се со цел да ја подигне свеста на сите граѓани за ситуацијата во која се наоѓаат мал број на нивни сограѓани. Во својата последна кампања тие решија да го свртат внимението на граѓаните преку уличната уметност. Собраа неколку улични уметници: Ben Slow, David Shillinglaw, Best Ever, Josh Jeavons и Jim McElvaney. Секој од нив направи оригинален мурал кој „зборува“ гласно за незавидната состојба на бездомниците.
